37

Sep 8, 2021 @ 14:14
By

DA humirit ng dagdag na budget para sa 2022

Humirit ng dagdag na budget ang Department of Agriculture para sa susunod na taon.

Sa deliberasyon ng House Committee on Appropriations, sinabi ni Agriculture Secretary William Dar na P91 bilyon ang inilaang pondo para sa ahensya sa ilalim ng 2022 National Expenditure Program (NEP).

Nagtanong si Magsasaka party-list Rep. Argel Cabatbat kung masaya ba si Dar sa budget na inilaan sa kanila.

“I think the good Secretary must be more honest because I am not happy with this budget,” sabi ni Cabatbat.

Punto ni Cabatbat, tumaas ng 11.5% ang national budget pero kung ikukumpara ang nakuha ng DA sa 2021 General Appropriations Act at sa 2022 NEP ay 1.05% lamang ang nadagdag sa pondo ng DA.

Ang DA ay humihingi ng P231.76 bilyon para sa 2022 pero ang nailaan lamang para sa kanila ay P91 bilyon.

Umapela si Dar sa Kongreso na kung maaari ay madagdagan ang budget ng ahensya kahit na P30 bilyon lamang.

“Kung mamarapatin ng Kongreso, nasa level na P30 billion minimum sana na maidagdag,” sabi ni Dar. 

Makibahagi: Ano ang masasabi mo sa balita na ito?