161

Mar 11, 2020 @ 11:53
By

COVID-19 hindi na-predict sa 1981 horror novel – fact checker

Hindi totoong nahulaan ang coronavirus disease (COVID-19) sa isang horror novel ni American author Dean Koontz noong 1981.

Sa nobelang “The Eyes of Darkness” ni Koontz na tungkol sa isang ina na nag-iimbestiga sa misteryosong pagkamatay ng kanyang anak, nabanggit ang “killer virus” na “Wuhan-400.”

Dinebelop din umano ang Wuhan-400 sa RNA labs sa labas ng Wuhan.

Magugunitang sa Wuhan City, China nagmula ang virus outbreak.

Bagaman totoong pahina ang mga iyon mula sa nobela, sa fact-checking ng Australian Associated Press (AAP) nalaman na galing sa dalawang edition ng naturang libro ang mga pahina: noong 1981 at 1989.

Sa 1981 edition ng libro, sinabing dinebelop ang virus sa mga laboratoryo sa labas ng Russian city na “Gorki,” kaya tinawag na “Gorki-400” ang kumalat na virus.

Sa 1989 edition naman, kung kailan patapos na ang Cold War sa pagitan ng Russia at US, pinalitan na ang pangalan ng virus tungong “Wuhan-400,” mula sa Wuhan, China.

“Wuhan, an industrial centre for most of China’s history, is also home to the Wuhan Institute of Virology,” wika ng AAP.

Sabi naman ng fact-checking website na Snopes, “nothing more than a coincidence” lang ang pagbanggit sa “Wuhan-400” sa 39-anyos na libro.

Isa sa binanggit nilang pagkakaiba ay merong 100% fatality rate ang “Wuhan-400” sa libro, habang nasa 2% ang kasalukuyang fatality rate ng COVID-19.

Makibahagi: Ano ang masasabi mo sa balita na ito?