40

Feb 21, 2018 @ 16:15
By

Coast Guard nakaalerto tungod sa hulga sa terorismo

Subay sa pamahayag sa National Capital Regional Police Office (NCRPO) nga adunay usa ka siyudad ang giingong target sa teroristang ISIS, mihimo gilayun ang Philippine Coast Guard (PCG) ug lakang aron kapugngan ang maong hulga.

Matud ni PCG Captain Armand Balilo, nga walay puas ang ilang pagbinay-luay ug mga kasayuran ug kanunay silang nakig coordinate sa PNP ug ubang law enforcement Agency aron lang masiguro ang seguridad sa publiko.

Aduna usab silay koordinasyon sa mga intelligence operatives sa intel community aron magbinay-luay usab ug kasayuran aron ma validate sa ilang mga counterpart.

Subling gipahimangnuan ni Balilo ang publiko nga dili angayang mahadlok sa maong mga balita tungod kay naglihuk kanunay ang ilang buhatan.

Gusto lang nilang nga magmabinantayon ang katawhan ilabi na sa mga kadudahan ug mga lihok ug ipahibalo gilayun sa mga otoridad.

Sayo niini gibutyag ni NCRPO Chief, Director Oscar Albayalde nga gawas sa Marawi City, aduna pay laing siyudad ang giingong target sa pagtisuk ug kasamok sa gropung ISIS.

Kini human napakyas ang ilang plano human madakpi si Fehmi Lassqued ug kauban niining Pinay.

Makibahagi: Ano ang masasabi mo sa balita na ito?