coa-vismin
By

COA Auditor, giabsuwelto sa mga nangadaut nga dokumento sa Yolanda

Sharing is caring!

Gipakawalay sala ang audit team leader sa Palo, Leyte kini may kalambigitan sa nangadaut nga mga dokumento ug mga records tungod sa pag-igo sa Super Typhoon Yolanda niadtong 2013.

Giabsuwelto sa Commission on Audit (COA) si Region VIII supervising auditor Maria Luz Castillo.

Sa desisyon sa COA, gipaboran niini si Castillo tungod sa mga nangadaut nga record ug walay monetary value ug iyang gipangayo alang sa relief anaa sa hurisdiksyon sa National Archives of the Philippines.

Lakip sa mga nangadaut nga records gikan sa regional offices sa Civil Service Commission, Commission on Human Rights, ug Commission on Elections diin nag serbisyo si Castillo isip audit team leader.

Pero matud sa COA nga wala magpabaya sa bahin ni Castillo tungod kini sa bagyo.

“The loss and damage of the subject documents were due to heavy rains and strong winds caused by Super Typhoon Yolanda, which could not have been prevented by Ms. Castillo,”matud sa desisyon sa COA.

Gihatagan ug pagtagad sa ahensya ang efforts ni Castillo ug sa iyang Audit Team dihang ilang gisuwayan pagpanalipod ang mga dokumento pinaagi sa pagbutang niini sa steel cabinets, sako ug mga kahon diin ilang gipahimotang sa taas nga lugar sama sa lamisa ug mga cabinet.

“Hence, Ms. Castillo should be exempt from liability, there being no showing of participation or negligence on her part that might have occasioned the loss and destruction of the documents under her custody,” matud pa sa COA.

Makibahagi: Ano ang masasabi mo sa balita na ito?