Nananatiling kampeon sa slam dunk contest ng 3rd Chooks MPBL All-Star 2020 si David Carlos matapos dominahin ang mga karibal, Huwebes ng hapon, sa Mall of Asia Arena sa Pasay.
Highlight niya ang one-handed jam habang nakatayo ang 4 na tao sa kanyang daraanan kasama si MPBL founder Sen. Emmanuel Pacquiao at anak na si Jimuel.
“Medyo nasurprise ako. Na-hype ni Nick yung crowd pero ang dami nang situations na ganito and I had to pull off something sa bag ko na makuha ko yung 80-90 percent. Maganda naman yung result,” suma ni Carlos.
“For me, magsisimula na yung season, mag-tour na kami, malaking event siya para ma-gauge kung nasaan ako, ano kailangan i-tweak sa technique at sa strength ko,” hirit niya.
Bukod sa tropeo nag-uwi si David ng grasyangP100,000 mula sa liga at nasabing kompanya ng manok.
Sumegunda si Nick Demusis ng Bacoor na may 2-handed slam mula sa tulong din Pacquiao, tumersera si Chris Lalata ng Bicol.
