8
views

By

Boracay ug Marawi rehab gimonitor sa live streaming

Sharing is caring!

Gitinguha karon ni Senate President Pro Tempore Ralph Recto nga bantayan pinaagi sa live streaming ang rehabilitasyon sa Boracay Island ug sa Marawi City.

Pinaagi niini mahimong mabantayan ni Presidente Rodrigo Duterte ang dagan sa mga proyekto samtang anaa kini sa iyang opisina sa Malacañang ug mahimo usab kini nga mamonitor bisan asa ang Presidente.

Kauban usab ang publiko sa pagbantay sa mga proyekto.

Biniluong pesos ang gibubu sa kagamhanan sa duha ka proyekto busa angayan lang kining bantayan ug maayo ang rehabilitasyon sanglit nalakip kini sa big ticket infrastructure projects.

Ipagamit ni Recto sa Marawi ug Boracay ang Project Dime o Digital Imaging for Monitoring and Evaluation ng Department of Budget and Management ug Department of Science and Technology.

Mogamit mga drone, satellite imaging ug mga bag-ong teknolohiya aron mabantayan ang mga infrastructure project ug makasiguro nga ang mga project “on time, on budget” ug nasubay sa specifications sa proyekto.

Gawas sa live streaming, mahimo usab nga mohimog time-lapse videos aron makita kung gisunod ba sa mga kontratista ang kontrata sa proyekto.

Makibahagi: Ano ang masasabi mo sa balita na ito?