6
abante-tnt-vismin-costa-vista-property
By

Bora project sa mga Villar, gipahunong

Sharing is caring!

Tungod sa nahitabong kontrobersiya , gihunong una ang condominium project sa Boracay sa Costa Vista, kumpanya diin adunay kasosyo ang Vista Land and Landscapes, Inc., ang kumpanya nga gipanag-iya sa magtiayong Senadora Cynthia Villar ug kanhi Senate President Manny Villar.

“I would like to reiterate and stress that all developments in our Boracay investment have long stopped,” matud sa senadora.

Matud pa niini isip serbisyo publiko ug chairman sa Senate committee on environment, pursigido siya nga protektahan ang kalikupan ug hingpit nilang gisuporta ang rehabilitasyon sa Boracay.

“My duty to our nation is primary and is above and separate from my family’s business interests,” pagpasabot niini.

Mikatap ang video ug hulagway sa giingong pagputol sa mga kaho ug paglungag sa yuta sa kabukiran sa Boracay Island.

Giingong gipatag ang usa ka bukid nga bahin sa Boracay alang sa tukuron nga condominium, samtang gipaminusan ang mga istruktura tungod kay sikit ug hugaw na ang tibuok isla.

Gipanghimakak sa abogado sa Vista Land nga bahin kini sa ilang proyekto ang nakuhaan ug litrato.

“Significantly, the images appearing in the articles do not pertain to our project site. The area subject of our development is a developed resort with existing facilities,” matud ni Ma. Nalen Rosero, legal counsel sa Vista Land.

Makibahagi: Ano ang masasabi mo sa balita na ito?