By

BJMP ug BuCor gipadali ni Legarda sa pagpatukod ug mga bilanggoan

Sharing is caring!

Gipadali ni Senadora Loren Legarda ang Bureau of Jail Management and Penology (BJMP) ug Bureau of Corrections (BuCor) sa pagpatukod ug pagpa rehabilitate sa ilang mga bilanggoan.

Kini maoy gibutyag ni Legarda sa gikataho nga daghang nangamatay tungod kay naghuot na ang gidaghanon sa mga binilanggo sa ilang mga prisohan resulta kini sa subsub nga kampaniya baytok sa gidiling drugasa.

Matud ni Legarda, nga maoy chairman sa committee on finance nga adunay gihatag nga budget alang sa duha ka bilanggoan matag tuig alang sa paghinay-hinay og tukod ug pag ayum-ayum sa mga bilanggoan.

“Jail congestion has long been a problem in our correctional system and we are trying to address this through the annual budget,” matud Legarda.

“The Bureau of Corrections under the DOJ and the Bureau of Jail Management and Penology (BJMP) under the DILG should ensure that we have enough facilities for prisoners, including expected number of additional inmates, and that there is enough budget for their meals and medicines,” dugang pagpasabot sa senadora.

Karong tuiga adunay P2.019 bilyon nga operational budget ang BuCor alang sa unom nila ka bilanggoan nga anaa sa Sablayan sa Occidental Mindoro; Iwahig Prison and Penal Farm sa Puerto Princesa, Palawan; San Ramon sa Zamboanga City; Abuyog sa Southern Leyte; Panabo City sa Davao del Norte; ug Laur sa Nueva Ecija.

Ang P1.73 bilyon gitagana alang sa custody ug safekeeping program alang sa mga piniriso.

Samtang ang BJMP adunay P13.5 bilyon alang sa pagmaintain sa luwas ug tawhanong bilanggoan sa mga district, city ug municipal jails.

Matud ni Legarda, nga kinahanglan nga dalion paghuman ang mga bag-ong bilanggoan subay usab sa pagdali sa mga hearing sa mga kaso sa mga binilanggo aron moluag ang mga bilanggoan ug makagawas ang mga walay sala.

Makibahagi: Ano ang masasabi mo sa balita na ito?