12
views
ABANTE-TNT-bigas-kilo
By

Bigas sa bansa tatagal lang ng 50 araw – PSA

Sharing is caring!

PATULOY ang pagbaba ng suplay ng bigas sa bansa ayon sa Philippine Statistics Authority (PSA).

Sa nakalipas na datos ng ahensiya, noong nakaraang buwan, 22 porsiyento o 1.7 milyong metriko tonelada na lang ang suplay ng bigas at mas mababa ito sa naitalang 2.2 milyong metriko tonelada noong Marso 2017.

Ngunit ayon sa PSA ito ay sapat o aabot pa ng 50 araw.

Sa isinagawang imbentaryo, 65 porsiyento ng suplay ng bigas, 33 porsiyento sa commercial warehouses at may tatlong porsiyento sa National Food Authority (NFA).

Sa buwanang monitoring, ang bilis nang pagkawala ng bigas ay 89 porsiyento sa NFA, 12 porsiyento sa commercial warehouses at limang porsiyento sa mga kabahayan.

Kumilos na ang NFA para sa makapag-angkat ng 250,000 metriko tonelada ng bigas mula sa Vietnam o Thailand ngunit ang pinakamaagang dating nito ay sa susunod na buwan pa.

Makibahagi: Ano ang masasabi mo sa balita na ito?