22
noynoy-aquino-cj-sereno-bisaya
Feb 26, 2018 @ 16:32
By

Aquino ug Sereno gireklamog graft

Usa ka abogado nga konektado sa Volunteers Against Crime and Corruption (VACC) ang misang-at ug reklamonng graft batok nilang kanhi Presidente Benigno “Noynoy” Aquino III ug Chief Justice Maria Lourdes Sereno.

Gisang-at ni Atty. Eligio Mallari ang reklamo sa Office of the Ombudsman.

Ang reklamo subay sa alegasyon sa duha ka Supreme Court justices nga miingon nga dili angayang ilakip sa talaan sa mga nominees si Sereno alang sa posisyon sa pagka Chief Justice niadtong 2002 tungod kay wala niini masunod ang tanang rekisitos alang sa maong posisyon.

Atol sa sa hearing sa kamara sa impeachment complaint ni Sereno miingon ang mga Justices nga wala moduso si Sereno sa Judicial and Bar Council (JBC) sa iyang statements of assets, liabilities and net worth sugod niadtong 1986 ug 2006, sa dihang professor pa kini sa UP College of Law.

Si Aquino ang nagbutang ni Sereno sa maong posisyon.

Gawas nilang Sereno ug Aquino, lakip sa gipasakaan ug reklamo silang JBC Executive Officer Annaliza Capacite ug kanhi Chief of Office Selection and Nomination Richard Pascual.

Makibahagi: Ano ang masasabi mo sa balita na ito?