37

Feb 15, 2018 @ 15:40

Anti-Political dynasty gihinguhang ipasar sa Senado

Adunay misuway na usab nga himoung balaod ang pagdili sa political dynasty.

Gisugyot karon ni Senador Bam Aquino ang usa ka balaodnon nga magdili sa political dynasty o mga paryente sa nagka lain-laing pwesto sa gobyerno.

Sa Senate Bill No. 1688 ni Aquino, nga gikan usab sa usa ka political clan, gidili ang dungang pagserbisyo sa mga lalawigan, lungsud ug siyudad ang mga paryente hangtud sa third degree of consanguinity o affinity.

Kun ugaling naghupot ug puwesto sa national, gidili ang paghupot sa posisyon sa mga paryente sa local nga posiyon sa lalawigan ug sa siyudad diin sila rehistradong botante.

Kung mahimong balaod, did -an niini ang mga asawa, anak, apo, igsuon , uyoan o iyaan, mga pag-umangkon, lolo ug lola, lakip usab ang habig sa mga ugangan , bayaw ug uban pa.

Sa gipatuman nga 1987 Konstitusyon, gidili ang political dynasty apan wala mapatuman kay walay enabling law.

Matud ni Aquino, angayang kini maoy unahun sa dili pa usbon ang konstitusyon alang sa federalism nga maoy gihingusgan sa Malacanang.

Sa gihimong pagtuon , Matud ni Aquino 70 porsiento sa mga magbabalaod gikan sa dynastic family, 85% sa governors, 66 percent sa mga mayor at 50% sa mga vice mayor gawas sa Metro Manila.

Makibahagi: Ano ang masasabi mo sa balita na ito?