153

Mar 6, 2021 @ 14:00
By

Anak ni ex-Cavite Gov. Ayong Maliksi thankful kay Remulla

Nagpasalamat ang anak ng dating gobernador ng Cavite na si Erineo “Ayong” Maliksi kay Governor Jonvic Remulla para sa pagpapahintulot nitong malagak ang kanyang ama sa pamahalaang panlalawigan ng Cavite.

“Taos pusong pasasalamat sa Pamahalaang Panlalawigan ng Cavite sa pangunguna ni Gov. @jonvicremulla para sa pagkakataong inyong ibinigay upang makalagak ang aking ama sa kanyang naging tahanan ng ilang taon,” saad ni Emmanuel Maliksi, alkalde ng Imus, sa isang tweet.

“Maraming salamat din sa pagkilala sa kanyang dedikasyon at pagseserbisyo. Naging malaking bahagi ng buhay ni Gob Ayong ang kapitolyo at mga kawani nito, na kanyang naging katuwang sa pagsasabuhay ng kanyang mga pangarap para sa bawat isang Caviteño,” pagpapatuloy niya.

Bukod kay Remulla, ipinakita din nina dating vice president Jejomer Binay, Sen. Ping Lacson, chief presidential legal counsel Salvador Panelo, at pamilya Revilla ang kanilang pakikiramay sa pagpanaw ng dating gobernador.

Nito lamang Pebrero 24 nang pumanaw si “Ayong” sa edad na 82.

BASAHIN: https://tnt.abante.com.ph/ex-cavite-gov-maliksi-patay-na/

Makibahagi: Ano ang masasabi mo sa balita na ito?