30

Apr 9, 2021 @ 15:31
By

Ahron Villena dinapuan ng COVID, pero OK na ngayon

Nahawa pala si aktor Ahron Villena sa coronavirus disease.

Tsinika niya ito matapos tanungin sa PEP kagabi kung pro-vaccine ba siya.

Nag-isip muna si Ahron saka sumagot:

“Siguro, feeling ko. Gusto ko kasi, well, hindi ko alam kung kailangan kong i-share dito… Kasi nag-positive ako 2, 3 weeks ago.”

Pero agad niya namang nilinaw na maayos na ang lagay niya.

“But I’m okay now. And to everyone na nagtatanong, ayoko kasing mag-post ng anything. Sabi ko, ‘Gusto ko lang mag-rest.’ Nag-2 weeks akong quarantine dito sa bahay for safety din, siyempre, ako and sa mga ibang kaibigan ko na ayoko na mahawa sila,” kuwento ni Villena.

“I’m okay now, but ganun pala ‘yung feeling kapag nag-positive ka: parang ‘yung lahat ng mga symptoms, totoo pala ‘yun.”

“So, to everyone, sa mga nagtatanong, okay na po ako. Hopefully, mag-negative na,” dagdag niya.

Makibahagi: Ano ang masasabi mo sa balita na ito?