21

Jan 8, 2021 @ 19:32

Agilang si ‘Pag-asa’ pumanaw na

Inanunsyo nitong Biyernes ang pagyao ng simbolo ng pag-asang masagip ang mga Philippine eagle mula sa pagkalipol na si “Pag-asa”.

Ayon sa Philippine Eagle Foundation (PEF), namatay si “Pag-asa” noong January 6 dahil sa nakamamatay na impeksyong nauugnay sa Trichomoniasis at Aspergillosis sa edad na 28.

Magtu-29 na sana si “Pag-asa” sa January 15, siya ang kauna-unahang bred Philippine eagle na mula sa cooperative artificial insemination technique matapos ang 14 taon ng pananaliksik.

“Pag–asa’s birth, the culmination of 14 years worth of research, heralded hope for the critically endangered species and the entire conservation mission,” pahayag ng PEF.

Sa halos tatlong dekada niyang buhay, nagkaroon ng kaisa-isang anak si “Pag-asa” na pinangalanang si “Mabuhay”. (IS)

Makibahagi: Ano ang masasabi mo sa balita na ito?