10
taekwando
By

24 PHL jins, sisipa sa 23rd Asian Taekwondo Championships

Sharing is caring!

Tutulak pa-Vietnam ang 24 pambato ng ‘Pinas sa taekwondo para magpakitang-gilas sa Asian Taekwondo championships kyorugi (free sparring) at poomsae event sa Mayo 24-28.

Matinding kompetisyon ang naghihintay para sa PHL jins na haharap sa mga matitinik na pambato ng Korea, Iran, Chinese Taipei, Thailand, Indonesia at 29 pang bansa.

Sasalang sa men’s kyorugi event sina Carlo Dominic Dionisio (-54kg), Jenar Torillos (-58kg), Francis Aaron Agojo (-63kg), Arven Alcantara (-68kg), Samuel Thomas Harper Morrison (-80kg) at Kristopher Robert Uy (-87kg).

Sisipa naman sina Veronica Garces (-46kg), Baby Jessica Cannabal (-49kg), Rhezie Aragon (-53kg), Pauline Louie Lopez (-57kg), Darleen Mae Arpon (-62kg) at Kisties Elaine Alora (+73kg) sa women’s kyorugi event.

Babandera sa men’s poomsae sina Dustin Jacob Mella, Raphael Enrico Mella, Patrick King Perez, Jeordan Dominguez, Mark Lorenz Balcita at June Ninobla kasama ang kanilang female counterparts sa poomsae na sina Jocel Lyn Ninobla, Rinna Babanto, Juvenile Faye Crisostomo, Claire Therese Gascon, Janna Dominique Oliva at Alileah Dulce Amor Perez.

Magsisilbing paghahanda ang nasabing kompetisyon para sa 18th Asian Games sa Palembang, Jakarta.

Makibahagi: Ano ang masasabi mo sa balita na ito?