Asahan ang mabigat na trapiko sa Quezon City nitong Linggo, Oktubre 4, sa gitna ng “Recorrido” ng imahen ng La Naval De Manila.
Ayon sa Quezon City Government, ipuprusisyon ang imahen mula sa Sto. Domingo Church patungo sa Diocesan Shrine of Sto. Niño Parish mula alas-7 ng umaga hanggang alas-3 ng hapon.
Daraan ang imahen sa 13 blessing stations:
Station 1 – Brgy. Talayan Hall
Station 2 – Masambong Brgy. Hall
Station 3 – Brgy. Del Monte Multi-Purpose Hall
Station 4 – San Pedro Bautista Church (Damayan)
Station 5 – Brgy. Mariblo Hall
Station 6 – Brgy. Paraiso Hall w/ Sta. Cruz
Station 7 – Brgy. Paltok Hall
Station 8 – Brgy. Nayong Kanluran Hall
Station 9 – Heart of Jesus and Mary Parish (West Triangle)
Station 10 – Sta. Rita de Casia Parish (Philam)
Station 11 – Sto. Cristo de Bungad Parish
Station 12 – District 1 Action Center (San Antonio)
Station 13 – Christ the King Parish (Veterans Village)
Nakaantabay at magtutulungan umano ang mga tauhan ng Traffic and Transport Management Department (TTMD), Department of Public Order and Safety (DPOS), Task Force Disiplina at Quezon City Police District (QCPD) para sa maayos na daloy ng trapiko sa mga daraanan ng prusisyon.
Pinayuhan din ng lokal na pamahalaan ang mga motorista na gumamit ng mga alternatibong ruta. (AC)
