Dapat isumite ni dating Senador Antonio Trillanes IV sa mga awtoridad ang ebidensya tungkol sa alegasyon nitong tumanggap ng pera mula sa gobyerno ng China si Vice President Sara Duterte, ayon kay Defense Secretary Gilberto Teodoro Jr.
“The allegations of Fmr. Senator Trillanes, if substantiated, raise serious implications for national security,” ani Teodoro sa isang mensaheng ibinahagi ng Malacañang.
“He should submit the evidence in his possession, if any, to our law enforcement authorities so the matter can be thoroughly investigated,” dagdag niya.
Sa isang press briefing nitong Biyernes, ibinunyag ni Trillanes na mahigit P319 milyon mula sa Chinese government at China-based corporations ang napunta sa kompanyang iniuugnay sa asawa ni Duterte na si Atty. Manases Carpio.
Tumanggap din umano ng P150 milyon ang Tapang at Malasakit Foundation, kung saan bahagi ng board of trustees si Duterte, mula sa Embassy of the People’s Republic of China, ayon kay Trillanes. (AC)
