Ang pagbasura ng Korte Suprema sa tatlong petisyon laban sa voting threshold ay mensahe umano sa mga “amuyong” sa impeachment trial laban kay Vice President Sara Duterte na wala silang karapatang makialam sa nasabing constitutional process laban sa mga impeached official.
Ito ang nabatid kay prosecutor at Manila Rep. Joel Chua matapos idismis ng Korte Suprema ang tatlong petisyon na kumukuwestiyon sa constitutionality ng desisyon ng Impeachment Court na ibaba ang voting threshold dahil kung kumpleto ang 24 Senator-Judges dahil bukod sa premature ay wala umanong legal standing ang mga ito.
“The petitioners are not the proper parties because they clearly are not parties to the impeachment trial, nor were they directly and adversely impacted,” ani Chua.
“Petitions by mere bystanders, extraneous observers, and background actors do not qualify for legal standing,” dagdag pa ng mambabatas.
Kabilang sa mga naghain ng petisyon si dating Executive Secretary Atty. Vic Rodriguez ni Pangulong Ferdinand “Bongbong” Marcos Jr., subalit ngayon ay kilalang kaalyado na ng mga Duterte.
Kasama sa mga petitioner sina Ernesto Francisco Jr., at Berteni Cuasing subalit nabigo ang mga ito sa kanilang layunin na panatilihin ang 16 votes para sa conviction na katumbas ng 2/3 ng 24 Senator.
“The Supreme Court effectively upheld the assertions of the House prosecution team as clearly and eloquently presented by our colleague, Chel Diokno“ ayon paliwananag ng mambabatas.
“We also see the rejection of the petitions as a warning to parties who lack legal standing to approach the Supreme Court. In this instance, the Supreme Court stood firm on jurisprudence and doctrine regarding legal standing,” dagdag pa ni Chua. (Bernard Taguinod)
