Wala umano sa 2025 Statement of Assets, Liabilities and Net Worth (SALN) ni Vice President Sara Duterte ang dalawang ari-arian na nabili ng kanyang asawang si Atty. Manases “Mans” Carpio.
Ito’y matapos iprisenta ng prosekusyon si Davao City Register of Deeds IV Kathy Florence Baldonado at Island Garden City of Samal Deputy Register of Deeds III Marco Pineda bilang testigo sa ika-32 araw ng impeachment trial.
Tumestigo sina Baldonado at Pinenda sa hindi maipaliwanag na yaman ni Duterte na nakasaad sa Article 2 ng Articles of Impeachment.
Kinumpirma ni Baldona sa impeachment court na bumili si Carpio ng P6 milyong property noong 2024 sa Barrio Matina, Davao City na may sukat na 379 square meter subalit hindi nakalagay sa 2025 SALN ng Bise Presidente.
Sinabi ni Impeachment Court Presiding Officer Francis “Chiz” Escudero na wala siyang nakitang P6 milyong property na idineklara sa Real Properties Section sa 2025 SALN ni Duterte.
“Based on the record I have, it’s not in the 2025 (SALN)—there’s nothing that matched the price and the place and the mode of acquisition that is indicated in the 2025 is construction and in the documents we have were deed of sale,” sabi ni Escudero.
“We did not find this particular property as one of the real properties declared because we checked it against all of the declarations of the Vice President,” dagdag niya.
Subalit sinabi ni Atty. Lindon Bacquel ng defense panel, na mali para sa impeachment court na hindi kilalanin o matukoy ang parehong ari-arian (property) sa SALN ni Duterte.
Sabi ni Bacquel, “Court should take mandatory judicial notice of the geographical divisions in the Philippines that Matina Crossing is also known as Brgy 74A, na idineklara ni Duterte sa kanyang SALN.”
Nilinaw naman ni Escudero na hindi nakita ang nasabing pag-aari dahil masyadong generic umano ang nasabing bahagi sa SALN.
Subalit binanggit ni Escudero na may sale ng property na nabanggit sa SALN, patungkol sa isang parcel ng lupa sa 76A Davao City, subalit ang halaga noong nabili ay P10 milyon at isang sale ng property sa Dumoy, Davao City subalit ito ay halagang P2 milyon.
”The same was observed for another parcel of land supposedly acquired by Carpio in Matanos, Island Garden City of Samal, in Davao del Norte. Pineda said the records of the registry show that Carpio acquired the land on March 15, 2018 for P3.453-million, but upon checking Duterte’s SALN, he said nothing in the document “perfectly matches the DOAS (deed of absolute sale),” ani Escudero.
Sabi pa ni Escudero, sa 2019 SALN ni Duterte, nagdeklara ang Bise Presidente ng dalawang biniling property sa Brgy. Aundanao, Igacos, kung saan ang isa ay nabenta ng P2 milyon at ang isa naman ay P1 milyon. (Dindo Matining)
