Iginiit ng dating mambabatas na si Atty. JV Bautista na nilabag ni Vice President Sara Duterte ang Konstitusyon matapos umanong hindi i-divest ang kanyang mga business interest.
Sa panayam sa “At the Forefront” ng Bilyonaryo News Channel, sinabi ni Bautista na kahit isang kontrata lamang sa pagitan ng GenCorp at Davao City ay sapat na umano upang magkaroon ng conflict of interest.
“Even if only one contract involved GenCorp with Davao City, then that’s sufficient to show that there is conflict of interest here,” ani Bautista.
Bagama’t hindi lumilitaw ang pangalan ni Duterte sa corporate records ng GenCorp, sinabi ni Bautista na idineklara umano ng Bise Presidente ang business interest nito sa kanyang Statement of Assets, Liabilities and Net Worth (SALN).
“But you have to assume she is involved because she declared it in her SALN, what is the business of Sara Duterte to declare it there if she has no business interest?” dagdag niya.
Ayon kay Bautista, ang pagdedeklara umano ni Duterte sa kanyang SALN ng business interests sa GenCorp at iba pang korporasyon ay malinaw na paglabag sa constitutional prohibition.
“The fact that she declared in her SALN that she has business interest, not only GenCorp, several corporations, is to me, already a patent violation of the constitutional prohibition. Because the prohibition is absolute… she has to divest,” ani Bautista.
Panoorin ang buong panayam sa September 29 episode ng “At the Forefront” ng Bilyonaryo News Channel.
Mapapanood ang programa tuwing Lunes hanggang Biyernes, alas-10:30 ng umaga, sa Free TV Ch. 31, Cignal Ch. 24, Samsung TV Plus, TCL Smart TVs, Blast TV, AmasianTV. Cignal Play, BNC YouTube at Facebook. (AC)
