Dapat umanong nailahad ang impormasyon tungkol sa mga armas nina Vice President Sara Duterte at kanyang asawang si Atty. Manases Carpio bilang bahagi ng artikulong may kaugnayan sa banta sa buhay ni Pangulong Ferdinand Marcos Jr.
Ito ang inihayag ng dating mambabatas na si Atty. JV Bautista sa panayam sa programang “At the Forefront” ng Bilyonaryo News Channel.
“I go along with some of the observations made in social media. These matters should have been raised in the article on she was threatening the President getting killed just to project the violent side of Sara Duterte and the Dutertes in general,” ani Bautista.
“But I think the prosecution discovered it quite late na ganito pala karami baril, ang dami pala between the two of them,” dagdag niya.
Nauna rito, tumestigo si Police Major Joericson Sangalang ng PNP Firearms and Explosives Office sa impeachment trial laban sa Bise Presidente. Aniya, may pagmamay-ari ang mag-asawa na 51 armas, kabilang ang 22 na rehistrado kay Duterte at 29 kay Carpio.
Samantala, sinabi ni Bautista na maaaring hindi naging malaking isyu para sa ilang senador ang naturang mga armas.
“Pero sa tingin ko kasi yung mga senators, number one, palagay ko iba sa kanila may gun collection din… para sa kanila, what’s the big deal about this? And then number two, siyempre P7 million ang total value nun. To them, that’s a small amount. That’s pittance to them,” ani Bautista.
Panoorin ang buong panayam sa September 29 episode ng “At the Forefront” ng Bilyonaryo News Channel.
Mapapanood ang programa tuwing Lunes hanggang Biyernes, alas-10:30 ng umaga, sa Free TV Ch. 31, Cignal Ch. 24, Samsung TV Plus, TCL Smart TVs, Blast TV, AmasianTV, Cignal Play, BNC YouTube at Facebook. (AC)
