Tutol ang tech expert na si Edison Go Tan sa panukalang obligahin ang mga social media platform na kumuha ng legislative franchise bago makapag-operate sa Pilipinas.
Sa panayam sa “At the Forefront” ng Bilyonaryo News Channel, sinabi ni Go Tan na maaaring maapektuhan nito ang desisyon ng mga foreign technology company na mag-operate sa bansa.
“I actually disagree on that. First, the main reason why we regulate an industry is because there’s scarcity in the resource that we actually offer to them in order for them to operate. In the case of social media, there’s nothing,” ani Go Tan.
Aniya, gaya ng Facebook, bagama’t kabilang ang Pilipinas sa mga bansang may pinakamaraming users, maliit pa rin ang lokal na market kumpara sa ibang bansa.
“Because at the end of the day, the reality is our market is small. We might say, okay, we’re number one in the number of Facebook users per country… top five. But, that is just Facebook. What about the rest?” dagdag niya.
Samantala, sinabi ni Go Tan na makatutulong ang pagkakaroon ng lokal na opisina ng mga social media company upang direktang ma-contact ang mga ito at mas mabilis na matugunan ang content na nagdudulot ng banta.
Gayunman, hindi aniya nito natutugunan ang ugat ng problema sa mapanganib na online content.
“It’s just a portion kasi we will have a direct contact to them. There would be a faster, hopefully, a faster response from them if we have to actually take down something that is a threat but it doesn’t solve the root cause. Because at the end of the day, you cannot require every company to set up shop here,” ani Go Tan.
Panoorin ang buong panayam sa September 28 episode ng “At the Forefront” ng Bilyonaryo News Channel.
Mapapanood ang programa tuwing Lunes hanggang Biyernes, alas-10:30 ng umaga, sa Free TV Ch. 31, Cignal Ch. 24, Samsung TV Plus, TCL Smart TVs, Blast TV, AmasianTV, Cignal Play, BNC YouTube at Facebook. (AC)
