Matagumpay din ang repeat ng concert ni Nina na pinamagatang NINA XX: The Anniversary Celebration-The Repeat, na ginanap noong Huwebes ng gabi sa Newport Performing Arts Theater, na kasunod ng magandang pagtanggap sa unang concert bago ang repeat.
Muling nagsama sama ang mga tagahanga ni Nina upang makiisa sa pagdiriwang ng kanyang dalawang dekada sa music industry. Sa pamamagitan ng kanyang mga awitin at powerful performance, muling ipinakita ng Asia’s Soul Siren kung bakit nananatili siyang isa sa mga hinahangaang singer sa bansa.
Isa sa mga naging espesyal na bahagi ng concert ang pagdating ng kanyang special guest na si Christian Bautista.
Hindi itinago ni Christian ang kanyang paghanga sa talento ni Nina. Maging sa rehearsal pa lamang ay humanga na siya sa husay at pambihirang boses ng singer.
Para kay Christian, karapat-dapat lamang na matanggap ni Nina ang lahat ng tagumpay at pagmamahal mula sa kanyang mga tagahanga. Kinilala rin niya ang husay ni Nina bilang isa sa mga pinakamahusay na mang aawit sa bansa.
Samantala, naging kapansin-pansin naman ang kilig at excitement ni Nina nang makasama niya sa entablado si Christian.
Aminado si Nina na marami na siyang naka-duet na singers sa kanyang mahabang career, ngunit iba pa rin ang musical chemistry niya kapag si Christian Bautista ang kanyang ka-duet.
Hindi niya itinago ang paghanga kay Christian at sinabi niyang kahit marami na siyang nakasamang singers sa entablado, espesyal pa rin para sa kanya ang pakikipag-duet sa singer.
Sinabayan naman ito ni Christian ng pagpapasalamat at tila hindi rin makapaniwala sa mataas na papuri ni Nina sa kanya. Naging masaya rin ang kanilang kuwentuhan nang balikan ni Christian ang kanilang rehearsal ilang araw bago ang concert. Doon niya muling ipinakita ang paghanga kay Nina at pabirong tinawag itong Diamond Star.
Sa kabila ng biruan, naging malinaw ang malaking respeto ni Christian kay Nina bilang isang singer at performer. Para sa kanya, karapat-dapat si Nina sa lahat ng tagumpay na kanyang tinatanggap at sa patuloy na pagmamahal at suporta ng kanyang mga tagahanga.
Sa kabuuan, naging isa sa mga memorable moments ng Nina 20th Anniversary Concert ang pagsasama nina Nina at Christian Bautista.(Rodel Fernando)
