Humiling si Davao City Mayor Sebastian “Baste” Duterte nitong Lunes ng karagdagang panahon upang ihanda ang mga kinakailangang dokumento para sa kanyang pagharap sa Senate impeachment court.
Sa ipinadalang liham sa impeachment court, sinabi ni Duterte na haharap siya sa Setyembre 29 at 30 alinsunod sa subpoena na inisyu sa kanya kaugnay ng impeachment trial ng kanyang kapatid na si Vice President Sara Duterte.
“We are in receipt of a letter from Mayor Sebastian Duterte of the City of Davao dated today, requesting that, among others, he be given time, as he requires substantial time to gather, organize, authenticate, and reproduce the subpoena documents, and asks that he be allowed to attend instead of today, tomorrow, and on Wednesday, for him to be allowed to attend on September 29 and 30… which is already covered by the subpoena issued to him,” ani Senate Impeachment Court Presiding Officer Chiz Escudero.
Agad namang pinagbigyan ni Escudero ang hiling ni Duterte.
Matatandaang ni-reset ng impeachment court sa Setyembre 28 hanggang 30 ang nakatakdang pagharap ni Duterte at ng dalawa pang testigo matapos magkaroon ng conflict sa schedule noong nakaraang linggo.
Tinatalakay ng impeachment court ang Article 2 ng Articles of Impeachment, na nag-aakusa sa Bise Presidente ng pagkakaroon ng hindi maipaliwanag na yaman. (AC)
