Pinaalalahanan ng Land Transportation Franchising and Regulatory Board (LTFRB) ang mga operator at driver ng pampublikong sasakyan na tiyaking nakapaskil ang updated fare guide o matrix bago ipatupad ang taas-pasahe simula Lunes, Setyembre 28.
Ayon sa LTFRB, maaaring i-download ang updated fare guide o matrix mula sa opisyal na website nito na ltfrb.gov.ph.
Hinikayat naman ng ahensya ang mga komyuter na ipagbigay-alam sa LTFRB ang mga pampublikong sasakyang walang nakapaskil na updated fare guide o matrix.
Maaaring makipag-ugnayan sa ahensya sa pamamagitan ng 1342 hotline o opisyal na Facebook page nito para sa kaukulang aksyon alinsunod sa umiiral na mga patakaran. (AC)
