Ang accountability ay sandata laban sa korapsyon at kalasag ng mga tapat na lingkod-bayan, lalo na sa gitna ng kontrobersiya sa mga flood control project, ayon kay Senador Panfilo “Ping” Lacson.
Sa kanyang talumpati sa ika-65 anibersaryo ng Philippine Constitution Association sa Makati City nitong Sabado, sinabi ni Lacson na hindi dapat makompromiso o tawaran ang probisyon sa 1987 Constitution na “Public office is a public trust.”
“If your decisions are proper, let the records speak; if your actions are lawful, let the evidence establish it; if your conscience is clear, scrutiny should not frighten you. In fact, the honest public servant should be able to say: ‘Go ahead. Audit me’,” ani Lacson.
“The person who fears accountability, however, may have a different reaction. He or she may say, ‘Why single me out?’ Someone would even cry, ‘This is political persecution and intimidation and pressure’ – which, by the way, sounds very familiar,” dagdag niya.
Sinabi rin ni Lacson na sa kanyang pamumuno noon sa Senate Blue Ribbon Committee at imbestigasyon sa mga flood control project, naging panata niya ang “we go where the evidence takes us.”
Ayon sa senador, walang tunay na accountability o katarungan kung ang katapatan ay hinihingi lamang sa mga nasa mababang posisyon habang hindi napapanagot ang mga nasa kapangyarihan.
“Accountability must follow responsibility; responsibility must follow authority. If you have the authority to decide, you must have the courage to answer for that decision, no matter your political color,” dagdag niya.
Ibinahagi rin ni Lacson na ang integridad, accountability at character ay mga pagpapahalagang dapat taglayin ng mga lingkod-bayan at maaaring matutuhan mula pa sa murang edad.
Aniya, araw-araw na sinusubok ang karakter ng mga lingkod-bayan dahil ipinagkatiwala lamang sa kanila ng taumbayan ang kapangyarihang kanilang ginagamit.
“Above all legal debates, we must remain bound by the foundational principle we are sworn to uphold for our people and our nation, that is, ‘Public office is a public trust,’” diin ni Lacson. (AC)
