Sumiklab ang sunog sa isang tatlong palapag na commercial building sa Barangay San Isidro, Parañaque City.
Ayon sa Bureau of Fire Protection (BFP), natanggap ang ulat ng insidente bandang 11:29 ng gabi noong Biyernes sa Dr. A. Santos Avenue corner Filipinas Avenue.
Umabot naman sa fifth alarm ang sunog bandang alas-12:14 ng madaling-araw nitong Sabado.
Naideklarang under control ang sunog alas-6:29 ng umaga.
Wala namang naiulat na nasaktan sa insidente, habang patuloy pang iniimbestigahan ang eksaktong sanhi ng sunog. (AM)
