Pinuna ni Senate President Sherwin Gatchalian ang lagpas 7,000 “red flag projects” ng Department of Public Works and Highways (DPWH) sa ilalim ng kanilang panukalang 2027 budget.
Ginawa ni Gatchalian ang pagbubunyag sa pagdinig ng Senate Finance Committee sa panukalang 2027 budget ng DPWH na nagkakahalaga ng P643.95 bilyon.
Sabi niya, may 7,107 “red flag projects” sa DPWH budget na may kabuuang halaga na P251 bilyon.
“Marami pa kaming nakikitang red flags…So pag tinotal natin ito lahat, this is about 7,107 projects… parang 7,107 islands, pero projects worth about 251 billion pesos,” pahayag ni Gatchalian.
“So in other words, Secretary [Vince Dizon], marami nang reforms, marami nang nalinis, but marami pa ring, I think, nakalusot sa scrutiny,” dagdag niya.
Kasabay nito, nanawagan si Gatchalian sa mga district engineers at regional directors ng DPWH na linisin ang kanilang datos bago pa man ito maisumite sa komite.
“Dapat ‘yung mga district engineers natin and regional directors, kayo na ang maglinis ng data ninyo dahil sa dami ng projects, almost 12,000 projects, pag umakyat sa central, napakahirap naman linisin nila. Dapat sa district pa lang, sa regional pa lang nalilinis na ito,” ayon sa Senate chief.
“Hopefully, I’m assuming this is not intentional. I hope. But we’re flagging the department so that the department can clean up and submit to the committee prior to the generation of the committee report. Nagawa na natin ito, Secretary, in the past. Nalinis na rin natin ito. So we’ll work together in cleaning up this list,” dagdag pa niya.
Una rito, nagpahayag din ng pagka-alarma si Senador JV Ejercito, chairman ng Senate Finance Committee, kaugnay ng P82. Bilyong halaga na non-compliant flood management projects at multiple red flags sa panukalang pondo ng DPWH sa susunod na taon.
“We need to boost our infrastructure spending, but not at the expense of the reforms we want to be instituted. Every delayed project has an economic cost. And, every anomalous, poorly vetted project costs us even more: it wastes taxpayers’ money, deprives endangered communities of safety, and erodes public trust,” pahayag ni Ejercito sa kanyang opening speech.
“Infrastructure spending has a significant multiplier effect on the economy, creating jobs, improving connectivity, attracting investments and stimulating economic activity,” dagdag niya.
Sa inisyal na pagsusuri ng tanggapan ni Ejercito sa 1,256 proyekto ng DPWH Flood Management Program, nabunyag na 155 proyekto na nagkakahalaga ng P8.2 bilyon ang hindi sumunod o hindi kumpleto ang documentary requirements tulad ng geotagged photographs, Certificates of Implementability, and Programs of Works.
“We acknowledge the reforms that the good Secretary (Vince Dizon) tried instituting… Pero sa amin pong initial review ng ilang DPWH projects, napansin namin ang tila ilang questionable items na ipinagpapalagay naming red flags,” ani Ejercito.
Bukod sa mga dokumentong hindi sumusunod sa patakaran, binigyang-diin ni Ejercito ang tatlong malalaking babala (o senyales ng anomalya) sa panukalang badyet ng DPWH: budgetary items na may malabong deskripsiyon na may label na “various projects; Lump-sum at “clustered projects” na walang maliminaw na detalye ng implementasyon; at missing o inconsistent project limits kasama na ang mga item na nakalagay na petsa at halaga.
Sa pagbabalik-tanaw sa mga anomalya sa flood control noong nakaraang taon, idiniin ni Ejercito na hindi dapat manatiling paralisado ang paggasta sa imprastraktura.
“The flood control corruption scandal should be treated as a temporary speed bump. We acknowledge the filing of cases in the name of accountability. Tunay po na dapat may managot. Ngunit hindi po dapat maging dahilan ang kontrobersiya upang tuluyan nating ihinto ang infrastructure development,” sabi ni Ejercito.
Hinimok niya ang ahensiya na resolbahin ang red flags bago pa umabot ang panukalang badyet ng sa plenaryo.
“We need to strike a balance for this budget season, give utmost importance to accountability but at the same time the need to accelerate public spending to improve our economic growth,” ani Ejercito. (Dindo Matining)
