Posible umano na maging mas maikli at mas madali para sa mga prosecutor ang impeachment trial ni Vice President Sara Duterte kung hindi lalahok sa mga paglilitis ang mga minority senator-judge, ayon kay House prosecutor at San Juan City Rep. Ysabel Maria Zamora.
Pero nilinaw ni Zamora na hindi nakabatay sa pagdalo ng minority senators ang pagpipresinta ng prosekusyon ng ebidensya.
“So yes, it might be easier. The time might be shorter. But again, we will still present the same evidence that we had intended to present before,” sabi ni Zamora sa isang TV interview nang tanungin kung makikinabang ang mga prosecutor kung hindi na lalahok sa paglilitis ang mga minority senator-judge.
Inamin ni Zamora na maaaring mapabilis ng mas kaunting interbensyon ang pag-usad ng mga prosecutor sa direct examination at mabawasan ang oras na gugugulin ng mga testigo sa pagsagot sa mga tanong.
“Well, that may be correct. I mean, we will be lessening the time that we or the witness would have to answer the questions, and we will be more focused on the presentation of our witnesses and the propounding of questions unto them,” paliwanag ng mambabatas.
Anim na minority senator-judge ang hindi lumahok sa botohan noong September 23 hinggil sa interpretasyon ng two-thirds vote requirement para ma-convict si Duterte.
Iginiit ng lady solon na hindi babaguhin o babawasan ng prosekusyon ang mga ebidensyang plano nitong iharap dahil lamang sa posibleng mas kaunting senator-judge ang lalahok.
“Whether the minority senators will participate or not, we owe it to the public. We owe it to our people to show the evidence that the prosecution has,” dagdag ni Zamora. “So this is not only for the senator-judges, but this is also for the public.”
Kasalukuyang naghaharap ng ebidensya ang prosecution panel kaugnay ng alegasyon ng unexplained wealth laban kay Duterte. (Billy Begas)
