Naniniwala si House lead prosecutor at Batangas Rep. Gerville Luistro na ang desisyon ng anim na senator-judges na hindi lumahok sa botohan noong Miyerkoles kaugnay ng batayan ng two-thirds requirement para sa conviction ay hindi nagpapakita kung paano sila boboto sa impeachment trial.
“Naniniwala ako na ang position ng mga senator-judges depends on the question confronting them,” sabi ni Luistro sa press conference nitong Huwebes.
“Iyong naging position nila about the threshold vote does not necessarily show their position on the verdict,” dagdag pa nito.
Noong Miyerkoles, bumoto ang Senate impeachment court ng 13-1 upang bigyang-kahulugan ang “all the Members of the Senate” bilang mga senador na legal at aktuwal na may kakayahang lumahok sa oras na ilabas ang hatol. Anim na senator-judge ang hindi lumahok.
Sinabi rin ni House prosecutor at Bicol Saro party-list Rep. Terry Ridon na maaaring magbago ang partisipasyon ng mga senator-judge depende sa usaping nakahain sa korte.
“They might not have participated in this particular question,” sabi ni Ridon. “I think that on the next question, they will participate.”
Ipinunto ni Luistro na hindi pa natatapos ang prosekusyon sa paglalahad ng mga ebidensya nito, na susundan ng paglalahad ng ebidensya ng depensa.
“We are not even done with unexplained wealth,” sabi ni Luistro. “Mayroon pa po kaming natitirang article—that is bribery.”
Natapos na ng prosekusyon ang paglalahad ng ebidensya kaugnay ng alegasyong grave threats at maling paggamit ng confidential funds.
“After that, it will be the turn of the defense to present their evidence,” dagdag pa ni Luistro. “And that’s the only time that the impeachment court will be deciding on the conviction or acquittal of the respondent Vice President.”
Ayon kay Luistro, inaasahan niyang susuriin ng mga senator-judge ang kumpletong rekord bago magpasya kung ano ang kanilang magiging hatol.
“I have so much respect for all the members of the impeachment court,” dagdag pa ni Luistro. “Alam kong pinag-aralan nila itong mabuti to be able to come up with their fair and impartial judgment come the time that they cast their vote.” (Billy Begas)
