Dapat umanong sa Supreme Court (SC) mauwi ang usapin sa bilang ng boto na kailangan para ma-convict si Vice President Sara Duterte sa impeachment trial, ayon kay Atty. Niel Tupas, dating lead prosecutor sa Renato Corona impeachment trial.
Sa panayam kay Tupas sa programang “At the Forefront” ng Bilyonaryo News Channel, sinabi niyang mas mapapanatili ang kredibilidad ng Senado kung mananatili sa 16 ang kinakailangang boto para sa conviction.
Para kay Tupas, may mga naging precedent na sa impeachment trial nina dating Pangulong Joseph “Erap” Estrada at dating Chief Justice Corona na maaaring ikonsidera sa usapin ng voting threshold.
“I think the credibility of the Senate, mataas ang credibility of the Senate kung mag-maintain sila sa 16 because may mga precedent na, Erap and Corona, we were there, and that’s the prevailing interpretation,” saad niya.
Aniya, kung ibababa ng Senado ang voting threshold, maaari itong makaapekto sa kredibilidad ng institusyon.
“‘Pag ang Senate nag-lower no’n, it will affect the credibility of the Senate. Ultimately the SC will decide, and I think the people will accept ‘yung interpretation ng SC doon sa threshold as compared du’n sa Senate,” dagdag pa niya.
Panoorin ang buong panayam sa September 23 episode ng “At the Forefront”.
Mapapanood ang programa tuwing Lunes hanggang Biyernes, 10:30 ng umaga sa Free TV Ch. 31, Cignal Ch. 24, Samsung TV Plus, TCL Smart TVs, Blast TV, AmasianTV, Cignal Play, at sa YouTube and Facebook accounts ng BNC. (IS)
