Binura ng Kamara de Representantes ang ruling nito na nagdeklarang out of order ang mosyon ni Navotas City Rep. Toby Tiangco noong Setyembre 17.
Sa plenary session noong Miyerkoles ng gabi, Setyembre 23, naghain ng mosyon si House Assistant Majority Leader at Cavite Rep. Aniela Tolentino.
“Mr. Speaker, during last Monday’s plenary session, September 21, 2026, a ruling was made that the motion for reconsideration of the Honorable representative from the lone district of City of Navotas, Rep. Toby Tiangco, was declared out of order,” sabi ni Tolentino.
“I move to strike out from the record the statement in two instances that the motion for reconsideration is out of order, I so move, Mr. Speaker,” dagdag pa nito.
Inaprubahan ni House Deputy Speaker at TUCP party-list Rep. Raymond Democrito Mendoza ang mosyon matapos walang tumutol dito.
Noong Setyembre 21, nagtanong si Tiangco kaugnay ng pagpapalit ng iskedyul ng deliberasyon para sa panukalang 2027 budget ng Kongreso mula Setyembre 24 tungo sa Setyembre 17.
Sinabi ni House Deputy Speaker at Iloilo Rep. Janette Garin, na batay sa sinabi ni House Deputy Majority Leader at Sorsogon Rep. Bernadette Escudero, na bukod sa Kongreso, binago rin ang iskedyul ng deliberasyon para sa budget ng Department of Tourism.
“Kaya po tayo nagbibigay ng schedule ng budget is para po makapahanda yung mga members na magtanong. So kung ang budget ng House ay September 24 pa, natural po ang paghahandaan muna ay yung September 18, September 21, so mas logical po kung doon humugot. Kaya lang, what was the compelling reason na napakahalaga bakit inuna yung budget ng House of Representatives when traditionally nasa dulo po yun,” sabi ni Tiangco.
Ipinaliwanag ni Garin na binago ang iskedyul dahil ipinagpaliban ang deliberasyon sa panukalang budget ng Department of Information and Communications Technology at Philippine Statistics Authority.
Binanggit din ng lady solon na pinag-uusapan ang iskedyul ng ahensyang pag-uusapan sa House Committee on Appropriations.
Kasunod nito, hiniling ni Tiangco na muling buksan ang deliberasyon sa panukalang budget ng Kongreso.
“Noon pa lang pong DBCC (Development Budget Coordination Committee) on the first day, nag-request na po ako na dalhin sa committee yung budget ng House ngunit hindi po pumayag, so sa plenaryo na lang po,” sabi ni Tiangco.
“Hindi po magandang tignan na ang budget ng House hindi man lang pinaliwanag dito sa plenaryo at pinasa natin. Kaya po humihingi po ako ng consideration,” dagdag pa nito.
Sinabi ni Garin na hindi maaaring magmosyon si Tiangco para sa i-reconsideration ang pagtatapos ng deliberasyon sa panukalang budget ng Kongreso dahil, alinsunod sa rules, ang mga miyembrong bumoto pabor sa nanalong mosyon ang maaaring humiling ng reconsideration.
“A motion for reconsideration is being put forward by the Hon. Tiangco. While the presiding officer would gladly yield, unfortunately our rules state that only a member who had voted with the majority can vote for the reconsideration. With that, our apologies, the motion for reconsideration is out of order,” sabi ni Garin.
Noong Miyerkules, Setyembre 23, muling tumayo si Tiangco kaugnay ng parehong usapin.
“Madam Speaker, let us just go with your ruling. Madam Speaker, if that is the ruling, I was present today. I voted for the approval of all the budget tackled today. So, if we go by your ruling, do you mean to say I can move now to reconsider all these? You want to test your ruling? Let’s test it now,” sabi ni Tiangco.
Matapos ang ilang minutong talakayan, sinuspinde ang sesyon ng plenaryo.
Nang muling magbukas ang sesyon, naghain si Tolentino ng mosyon para burahin sa rekord ang ruling noong Setyembre 17 laban sa mosyon ni Tiangco.
Sa isang panayam, sinabi ni Tiangco, “I’m glad that the majority realized na mali yun, so they moved that it be stricken off the record.”
“May rules kami, huwag naman baluktutin yung rules dahil marami sila at isa lang akong independent. Siyempre, pag binaluktot nila yung rules at isa lang akong independent, kahit anong botohan ’yan, kahit baluktot, hindi puwedeng manaig yung tama eh,” sabi ng solon.
“So, they have to make a choice, kung papanindigan nila yung ruling na yun then ibalik natin yung lahat nung ahensya (na na-terminate na ngayong araw),” dagdag pa ni Tiangco. “It’s either you stick to your ruling, in which case I can move for reconsideration, or say that mali yung ruling na yun.” (Billy Begas)
