Hindi na bubuwisan ang mga pabango subalit tatasaan naman ang mga ipapataw na buwis sa mga luxury car upang makalikom ng karagdagang buwis ang gobyerno.
Ito ang nilalaman ng House Bill (HB) 11456 na inakda ni House committee on ways and means chairman at Marikina Rep. Miro Quimbo na nag-aamyenda sa Sections 149 and 150 ng National Internal Revenue Code of 1997.
“The proposed measure aims to achieve greater tax progressivity and promote a more equitable distribution of wealth since luxury and high-value goods are generally purchased by consumers with greater disposable income and capacity to pay,” ani Quimbo sa kanyang panukala.
Sa Section 150 ng ng National Internal Revenue Code of 1997, pinapatawan ng 20% levy o excise tax sa lahat ng uri ng pabango at toilet waters na tinatawag subalit buburahin na ito sa ilalim ng panukala ng mambabatas.
Subalit dagdagan ang buwis na ipinapataw sa mga mamahaling sasakyan kung saan mula sa 20% na excise ay magiging 50% na ang sisingilin sa mga nagkakahalaga ng P4 milyon hanggang P8,000.
Magiging 75% din ang buwis na ipapataw sa mga sasakyang nagkakahalaga ng lagpas sa P8 milyon habang mananatili naman sa 20% ang mga kotse na hindi lumalagpas sa P4 milyon ang presyo.
“The proposed measure aims to achieve greater tax progressivity and promote a more equitable distribution of wealth since luxury and high-value goods are generally purchased by consumers with greater disposable income and capacity to pay,” ani Quimbo.
“By raising the cost of high-value discretionary purchases, the measure may discourage conspicuous consumption, and redirect part of household resources toward savings, investments, or socially productive expenditure,” dagdag pa ng mambabatas.
Sinabi ni Quimbo na kapag naipasa ang nasabing panukala, madagdagan ng P3.91 billion ang makokolektang buwis ng gobyerno taon-taon sa mga luxury cars na gagamitin para sa iba’t bang programa ng pamahalaan.
Maliban sa mga sasakyan ay itataas din sa 25% mula sa kasalukuyang 20% excise tax sa mga yate jet skis, speed boats, sailboats, motorboats, aircraft, planes, jets at helicopters na ginagamit ng mga mayayaman.
“Strengthening the taxation of luxury consumption constitutes a practical means of enhancing the progressivity of the Philippine tax system. This measure would enable the Government to tap revenue sources that are readily identifiable and administratively accessible, while ensuring that goods and assets used for essential, livelihood, public transportation, or productive sources are not unduly burdened,” ayon pa kay Quimbo. (Bernard Taguinod)
