Hindi isinasantabi ng mga abogado ni Vice President Sara Duterte ang posibilidad na dalhin sa Korte Suprema ang isyu tungkol sa conviction threshold sa impeachment trial ng pangalawang pangulo.
Ginawa ni Atty. Michael Poa ng defense team ang pahayag bilang tugon sa tanong ni Sen. Bam Aquino sa oral arguments sa harap ng Senate impeachment court tungkol sa bilang ng mga botong kailangan para sa paghatol.
Tinanong ni Aquino sina Poa at Prosecutor Rep. Chel Diokno kung ang desisyon ng Senate impeachment court ukol sa hangganan ng paghatol (conviction threshold) – na inaasahang lalabas mamaya sa araw na ito, Miyerkoles — ay maaaring isailalim sa judicial review sakaling hindi ito pabor sa kanilang kani-kanilang posisyon.
“Sa amin, just to be very straightforward and candid, definitely there’s a possibility that we will be raising this to the Supreme Court,” tugon ni Poa.
“Precisely because, Your Honors, when… we entered for her in these proceedings, [the] expectation was ‘yong conviction threshold is 16 votes. So sa atin, kung papalitan natin ‘yon in the middle, we feel that that really is a justiciable issue,” dagdag pa niya.
Samantala, sinabi naman ni Diokno na susunod ang prosecution panel sa magiging desisyon ng Senate impeachment court.
“We respectfully submit that it is within the exclusive power and authority of this court to make that decision. If you look at even the jurisprudence that we have, I think it would also point in that direction,” ani Diokno. (Dindo Matining)
