Sinuspinde ng Sandiganbayan Sixth Division si Uswag Ilonggo party-list Rep. Jojo Ang sa loob ng 90 araw.
Sa resolusyong may petsang Setyembre 21, iniutos ng korte ang suspensyon ni Ang bilang miyembro ng Kamara de Representantes at sa anumang iba pang pampublikong posisyon na kanyang hawak o maaaring hawakan.
“The Court hereby orders the suspension pendente lite of accused James Ang Dit Ang Jr. as member of the House of Representatives, and from any other public position he may now or hereafter hold for a period of 90 days from receipt of this Resolution,” saad sa resolusyon.
Matatandaang humaharap si Ang sa dalawang bilang ng paglabag sa Anti-Graft and Corrupt Practices Act sa Sixth Division kaugnay ng umano’y conflict of interest sa mga proyekto ng gobyerno. (AC)
