Posibleng umabot sa Korte Suprema ang usapin sa tamang voting threshold para sa impeachment trial ni Vice President Sara Duterte.
Inihayag ito ni dating Senate President Francis “Frank” Drilon sa panayam sa programang “The Spokes” ng Bilyonaryo News Channel nitong Martes.
Paliwanag ni Drilon, maaaring mauwi sa Supreme Court ang isyu dahil sa magkakaibang interpretasyon sa mga probisyon ng Konstitusyon.
“Ultimately this will reach the Supreme Court. Because of the varied interpretations,” pahayag ni Drilon.
Kabilang sa mga ruling na tinalakay sa usapin ang Avelino v. Cuenco at Bayan v. Zamora, kaugnay ng interpretasyon sa two-thirds vote at sa bilang ng mga miyembro ng Senado.
Gayunman, iginiit ni Drilon na hindi nangangahulugan ang debate sa voting threshold na binabago ang impeachment rules.
Binigyang-diin niya na nasa impeachment court ang kapangyarihang magpasya sa bilang ng boto na kailangan sa paglilitis.
Aniya, “The impeachment court has the sole power to try and decide what is the number so effectively, the Senate would have to determine that.”
“Because under the Constitution, the Senate, acting as an impeachment court, shall have the sole power to try and decide so if you’re going to be strict about that, not even the Supreme Court can interfere,” paliwanag niya.
“Of course, the Supreme Court will say this is an interpretation of the Constitution and therefore we have jurisdiction,” dagdag naman ni Drilon.
Panoorin ang buong panayam kay Drilon sa September 22 episode ng programang “The Spokes”.
Mapapanood ang programa tuwing Lunes hanggang Biyernes sa Free TV: Channel 31, Cignal: Channel 24, Samsung TV Plus, TCL Smart TV, Cignal Play, at sa official YouTube and Facebook pages ng Bilyonaryo News Channel. (AM)
