Nais ni Department of the Interior and Local Government (DILG) Secretary Jonvic Remulla na higpitan ang access ng mga batang edad 16 pababa sa social media.
Ayon kay Remulla nitong Lunes, hihilingin niya sa Kongreso na tuluyang harangan o i-block ang mga website na nagpo-promote ng karahasan at nihilism at itulak ang regulasyon sa mga armas.
“Tomorrow I will go to Congress to ask for the following things. One, to limit the use of social media of children 16 years old and below. Two, to regulate firearms, legal and loose,” aniya.
“Three, the opportunity for the PNP to inspect the safety of all licensed firearms in their homes with due notice but without need for a warrant. Four, the total abolition of the access of anyone in the Philippines of these nihilistic sites through the DICT,” dagdag pa niya.
Ang pahayag ay matapos ang insidente ng pamamaril sa Banga National High School sa South Cotabato na ikinamatay ng tatlong estudyante at ikinasugat ng walo pa noong Setyembre 18.
Matatandaan naman na una nang sinabi ni Remulla na “heavily into the deep dark web” ang estudyanteng namaril.
Batay aniya sa mga awtoridad, may nakuhang impormasyon sa cellphone ng suspek na nagpapakitang nalantad siya sa ilang online group at content na umano’y nakaimpluwensya sa kanyang pag-iisip at pag-uugali. (AM)
