Nasa 24% ng panukalang P7.2 trilyong budget para sa 2027 ang popondohan sa pamamagitan ng utang, ayon kay House Deputy Minority Leader at ACT Teachers party-list Rep. Antonio Tinio.
Sinabi ni Tinio na noong 2016 ay 13% ng national budget ang pinopondohan ng utang. Umakyat umano ito sa 24% para sa 2027 na katumbas ng P1.69 trilyon.
Iniugnay ni Tinio ang pagtaas ng pangungutang sa mabilis na paglaki ng public infrastructure spending, partikular na ang flood control projects na nasangkot sa kontrobersiya dahil sa mga alegasyon ng korapsyon at ghost projects.
“In the golden age of flood control here in the Philippines, the first three years of the Marcos Jr. administration, 2023—2025, a total of P287 billion went to flood control alone,” sabi ni Tinio sa budget deliberation sa plenaryo ng Kamara.
Nagbabala si Tinio na sa huli ay mga Pilipino ang sasalo sa bigat ng pag-utang ng gobyerno.
“Every peso borrowed is being paid back—with interest—by our workers, our teachers, our farmers, and ordinary taxpayers. Yet what do they get in return? Flood control projects that collapse, ghost structures, and billions lining the pockets of corrupt contractors and their patrons in government. Meanwhile, budgets for education, health, and housing remain grossly insufficient,” sabi ng solon.
Kinuwestyon din niya ang malaking alokasyon para sa unprogrammed appropriations, at hinimok ang House Committee on Appropriations na magpatupad ng mahigpit na safeguards upang matiyak na hindi magiging panibagong daan ang mga pondong ito para sa pork barrel at patronage politics.
“The massive increase in deficit spending under this administration enabled a massive increase in infrastructure spending—but not the kind that serves the people. We must scrutinize every line item of the 2027 budget to ensure that debt incurred in the name of the Filipino people funds genuine services and development, not corruption,” dagdag ni Tinio. (Billy Begas)
