Magwo-world premiere ang Pinoy horror movie “Lilim” na pinagbibidahan nina Heaven Peralejo, Ryza Cenon at Eula Valdez sa 54th International Film Festival Rotterdam sa Netherlands!
Ibinahagi ito ni Mikhail Reid, direktor ng movie, sa pamamagitan ng Facebook post.
“Excited to finally announce the news! Flying to the Netherlands in the winter! ‘LILIM’ will have its world premiere at the 54th International Film Festival Rotterdam! Congratulations to the entire cast and crew!” caption ni Reid sa kanyang post kalakip ang international poster ng pelikula.
Sa mga hindi nakakaalam, si Reid ang nasa likod ng techno-horror film “Deleter” starring Nadine Lustre.
Tinanghal siyang Best Director dahil sa pelikula sa 2022 Metro Manila Film Festival habang Best Actress naman si Nadine.
Magugunita ring nagpakalbo pa si Ryza to fully embrace her role sa “Lilim”.
“Hindi naman po siya nire-require. Ako po mismo ‘yung nagsabi na magpapakalbo ako. For me, mas okay siya sa karakter ko at nag-look test po kami, hindi ko trip ‘yung prosthetics. Hindi ko gusto ‘yung itsura. Parang sabi ko, mas okay kung kalbo talaga. Mas makakatulong siya sa karakter ko,” sey ni Ryza sa isang interview. (IS)
