WebClick Tracer

‘Spaghetti wires’ sa NCR wawalisin na

Ipinasa ng Metro Manila Council (MMC) noong Martes ang isang resolusyon na humihimok sa mga local government unit (LGU) sa National Capital Region (NCR) na maglabas ng mga ordinansa laban sa mga nakalawit at gusot na mga wire ng telecommunications (telco) at mga poste ng kuryente sa Metro Manila.

Dumalo si MMC President at San Juan City Mayor Francis Zamora kasama si Metropolitan Manila Development Authority (MMDA) Chairman Romando Artes at iba pang mayor ng NCR sa council meeting na naglalayong lutasin ang tinatawag na ‘spaghetti wires’ sa rehiyon.

Magiging epektibo ang kautusan kapag pinirmahan na ito ng lahat ng mayor sa NCR.

Binanggit din ni Artes na ang bawat LGU ay magkakaroon ng sariling paraan sa pagpapatupad ng ordinansa gayundin ang pagtatakda ng mga parusa para sa mga indibidwal at kumpanya na hindi susunod. (CS)

TELETABLOID

Follow Abante News on