Kabilang si Ricci Rivero sa mga 2nd round pick sa ginanap na PBA Draft nitong Linggo, September 17 sa Market! Market! sa Taguig City.

Sinungkit ng Phoenix Super LPG Fuel Masters ang former UP shooting guard na 17th overall pick sa second round matapos unang kunin ng koponan si Raffy Verano ng Ateneo.

Ayon kay Ricci, wala raw isyu sa kanya kahit sa second round na siya nakuha.

“Kanina nagdasal lang ako before the draft, sabi ko kung saan man ako mapunta, for sure ‘yun ang gusto Niya,” saad ng basketbolista.

“Mataas man o hindi basta makakatulong ako. At least maging OK ‘yung team sa makukuha nila from me,” patuloy pa niya.

Napili rin na mga 2nd round pick sina Kemark Carino (Terrafirma Dyip), Bryan Santos (Converge Fiberxers), Henry Galinato (Rain on Shine Elasto Painters), Enoch Valdes (NLEX Road Warriors), John delos Santos (Converge), James Kwekuteye (Blackwater Bossing), Jhan Nermal (NLEX), Mark Sangalang (Terrafirma), Ralph Cu (Barangay Ginebra), at Adrian Nocum (Rain on Shine).  (IS)