Itinulak ni Davao City Rep. Paolo Duterte ang pagsasabatas ng Patient Navigation and Referral System upang maging magkaka-ugnay umano ang mga healthcare providers at mas madaling malaman ng mga pasyente kung saan maaaring pumunta para makapagpagamot.
Ayon kay Duterte. ang One Hospital Command, na kalaunan ay tinawag na National Patient Navigation and Referral Center (NPNRC) ay ginamit noong kasagsagan ng COVID-19 pandemic upang malaman ng mga pasyente kung saan sila maaaring pumunta.
“This should be improved and expanded into a nationwide network and given sufficient funding to be an effective component of our Universal Health Care (UHC) program,” sabi ni Duterte.
Inihain nina Duterte, Benguet Rep. Eric Yap at ACT-CIS party-list Rep. Edvic Yap ang House Bill 7574 na naglalayong itayo ang National Patient Navigation and Referral System (NPNRS).
“Institutionalizing a patient navigation and referral system, which is a type of service delivery network, will ensure the continuing provision of quality care through the combination of capacities of individual health service delivery points into a unified delivery system,” sabi ng mga may-akda sa kanilang panukala.
Bukod sa pag-uugnayin ang mga healthcare providers, ang panukalang NPNRS ay tutulong din umano upang makahinga ng medical assistance sa Malasakit Center, mga ahensya ng gobyerno at non-government organizations (NGO) upang mabayaran ang kanilang pagpapagamot.
“Now that the public health emergency due to Covid-19 has been lifted, the NPNRC can continue to function as a unit under the Department of Health (DOH) to cater to all types of patients to help them gain access to affordable medical care,” giit ni Duterte. “Let’s put to good use the lessons we have learned from the pandemic. Institutionalizing the patient navigation and referral system is one of them.”
Sa ilalim ng panukala, ang mga prank caller sa linya ng NPNRC na magdudulot ng abala sa operasyon nito ay parurusahan ng pagkakakulong na isa hanggang anim na buwan at/o multang P10,000 hanggang P50,000.
Kung tatanggi ang medical practitioner o empleyado ng health facility na tanggapin ang pasyente na ipinadala ng NPNRC ng walang sapat na dahilan parurusahan ang mga ito ng anim na buwan hanggang dalawang taong pagkakakulong at/o multang P20,000 hanggang P100,000.
Ang mga director, opisyal o miyembro ng management ng mga pasilidad na ito ay makukulong naman ng apat hanggang anim na taon at/o multang P100,000 hanggang P500,000. (Billy Begas)
See Related Story Here:
Rep. Duterte itinulak libreng licensure exam para sa mahihirap
