Hindi ligtas ang mga referee sa pisikalan, napatunayan ‘yan matapos na dumugo ang nguso ni NBA official Scott Foster nang mabangga siya ni LeBron James.
Sa Game 3 ng LA Lakers vs Denver Nuggets, tumatakbo si LeBron para sa transition play, ngunit hindi niya nakita kaagad si Foster at bumangga siya rito.
Pansamantalang hininto ang laro para malapatan ng first aid si Foster dahil nagdugo ang labi nito.
Kaagad namang humingi ng tawad si LeBron sa referee.
“I was already in sprint mode, my bad, Scott,” sambit ni James.
Nagbiro naman si Foster, “You’ve been wanting to that for 25 years.”
“I was already in sprint mode…my bad, Scott.”
LeBron, Austin Reaves, and Scott Foster mic’d up on ABC 🤣 pic.twitter.com/TX8rGyYQzZ
— NBA (@NBA) May 21, 2023
Sa naturang laro, nagwagi ang Nuggets, 119-108, sa pangunguna ni Jamal Murray na nagbuhos ng 37 points.
Dahil diyan ay kailangang bumawi ng Lakers mula sa 3-0 pagkalubog. (RP)
