Alden Richards hindi kumita sa Eraserheads concert dahil sa ‘nakakalulang’ TF ni Ely Buendia?

Usap-usapan ngayon ang diumano’y walang kinita ang production company ni Alden Richards mula sa “Huling El Bimbo” concert nitong December 22, 2022.

Ayon sa kuwento, talent fee pa lang ni Eraserheads frontman Ely Buendia ay umaabot na diumano sa P80 milyon kaya walang kinita ang Myriad Corporation, ang production company ni Alden.

Isa ang Myriad sa mga concert producer ng reunion concert ng Eraserheads nitong Disyembre na ginanap sa SMDC Festival Grounds sa Parañaque City.

“Sa talent fee pa lang daw kasi ni Ely Buendia, nakakalula na. Totoo kayang umabot ito sa P80 million? For Ely lang diumano ‘yun?” tsika ng entertainment columnist na si Salve Asis

Dagdag ni Asis, na kahit na marami ang nanood ng reunion concert, karamihan sa kanila ay gumamit ng complimentary tickets ngunit marami rin naman umano ang bumili ng tickets.

“Pero dahil daw sa mahal ng production cost, hindi diumano kumita ang mga producer nito,” dagdag ng kolumnista. (IS)