Dalawang linggo matapos ipalabas ang “Darna” ni Jane de Leon sa Indonesia ay itinigil ito.

Inanunsyo ng Sobat TV Indonesia sa social media ang pagtigil ng ANTV sa pagpapalabas ng “Darna”.

Sinasabing itinigil ang pagpapalabas ng “Darna” series sa Indonesia dahil sa mababang rating nito na nananatili sa single digit.

Paglilinaw naman ng ABS-CBN International Sales Division, sinabi nitong hininto ng ANTV ang analog TV broadcasting ng “Darna” upang mag-shift sa digital TV broadcasting.

Dagdag nito, iaanunsyo “soon” ang bagong airing details ng “Darna” series sa nasabing bansa.

“Indonesia recently stopped analog TV broadcasting and shifted to digital TV broadcasting.

“ANTV determined that it would be better for viewers to enjoy ‘Darna’ once the transition to digital TV broadcasting has been completed. New airing details will be announced soon.” (IS)