Nag-ala Kat Alano si Deniece Cornejo sa pagbabalik ni Vhong Navarro sa “It’s Showtime” noong Lunes.

Ginamit ni Deniece ang popular na hashtag ni Alano na “rhymes with wrong” bilang reaksyon sa Facebook post ng “It’s Showtime” tungkol sa pagbabalik ng comedian.

“Madlang People! Anong inaabangan nyo ngayong Lunes? Wrong answers only!” saad sa post.

React ni Deniece, “#ryhmeswithWRONG.”

Si Deniece ang nagsampa ng mga kasong rape at acts of lasciviousness laban kay Vhong.

Ang “rhymes with wrong” naman ang ginamit ni Alano bilang hint sa celebrity na umano’y nangdroga at nang-rape sa kanya.

Kasalukuyang nakalalaya si Vhong matapos payagang magpiyansa ng P1 milyon. (IS)