Matapos ang dalawang taon, nagbalik na ang milyong mga deboto ng Santo Niño de Cebu para sa prusisyon nitong Sabado ng hapon.

Hindi napigilan ang mga Cebuano ng halos 5.7 kilometerong paglalakbay mula Basilica Minore Del Santo Niño hanggang sa mga kalye ng Osmeña Boulevard, General Maxilom Avenue at Imus.

Ayon sa Cebu City Police Office, higit kumulang 3 milyong deboto ang sumama sa prusisyon na tumagal ng tatlo hanggang apat na oras.

“Maybe because it is the first time to have another Fiesta Señor, since in the past years we did not have it,” pahayag ng opisyal ng kapulisan sa Cebu.

“It was generally peaceful. We deployed 1,510 PNP personnel and we have augmentation such as volunteers, students that reached over 10,000 to control the crowd,” dagdag pa niya.