Lumakas bilang tropical storm ang Tropical Depression “Karding”.

Gayunpaman, ayon sa PAGASA, wala pang direktang epekto sa bansa si “Karding” dahil nasa 1,320 kilometro silangan pa rin ito ng Northern Luzon.

“Dahil nga sa kalayuan ng bagyong si Karding ay wala itong direktang epekto sa anumang bahagi ng ating kapuluan,” ani PAGASA weather specialist Raymond Ordinario.

Inaasahang magla-landfall si “Karding” sa Linggo, Setyembre 25.

Sakaling bumagsak ito sa kalupaan, magdudulot si “Karding” ng malakas na pag-ulan sa Northern at Central Luzon. (IS)