Sa Nobyembre umano sisimulan ng Department of Science and Technology (DOST) ang recruitment sa higit 1,400 indibidwal na sasalang sa clinical trials para sa bisa ng ivermectin kontra COVID-19.

“Ang ating patient recruitment ngayong Nobyembre at ang release ng preliminary results ay sa end po ng December 2021,” wika ni DOST Undersecretary for Research and Development (R&D) Dr. Rowena Cristina Guevara.

Aniya, 1,464 indibidwal ang tangka ilang ma-recruit para sa tinatawag nilang “double-blind, placebo-controlled, randomized controlled trial” ng ivermectin.

Layunin ng P22-million project na makita kung epektibo at ligtas ba ang ivermectin sa mga asymptomatic at non-severe COVID patients sa bansa.

Tatagal ng walong buwan ang naturang pag-aaral.