Pumanaw na si Guimbal, Iloilo Mayor Oscar “Oca” Garin nitong Linggo ng hapon.

Kinumpirma ito ng mga anak ng alkalde na sina AMBIS-OWWA Rep. Sharon Garin at Iloilo Vice Governor Christine Garin.

Pahayag nila, nito lamang nakaraang linggo nang ma-ospital si Mayor Garin matapos mahawaan ng COVID-19.

Anila, symptomatic ang kanilang ama.

Bago maging alkalde, nagsilbi ring congressman ng unang distrito ng Iloilo si Oca mula 1987 hanggang 1998 at 2001 hanggang 2004. (VA)